کھیل
04 جولائی ، 2022

شاہین شاہ آفریدی نے پولیس کی وردی کیوں پہنی؟

کے پی پولیس کو سلام پیش کرتا ہوں، ان کی قربانیاں سب کے سامنے ہیں: شاہین شاہ آفریدی اسکرین گریب
کے پی پولیس کو سلام پیش کرتا ہوں، ان کی قربانیاں سب کے سامنے ہیں: شاہین شاہ آفریدی اسکرین گریب

قومی کرکٹ ٹیم کے فاسٹ بولر شاہین شاہ آفریدی خیبرپختونخوا پولیس کے خیر سگالی کے سفیر بن گئے۔

خیبرپختونخوا پولیس کی جانب سے پشاور میں قومی کرکٹر شاہین شاہ آفریدی کے اعزاز میں تقریب کا انعقاد کیا گیا جس میں آئی جی پولیس خیبرپختونخوا معظم جاہ انصاری اور دیگر پولیس حکام نے شرکت کی۔

تقریب سے خطاب کے دوران شاہین آفریدی نے کہا کہ کے پی پولیس کے لیے خیرسگالی کا سفیر بننا اعزاز کی بات ہے۔

انہوں نے کہا کہ کے پی پولیس کو سلام پیش کرتا ہوں، ان کی قربانیاں سب کے سامنے ہیں، میرے والد نے پولیس کی نمائندگی کی ہے اور  بھائی اب بھی پولیس میں ہیں، پولیس کی ڈیوٹی کافی مشکل ہے۔

قومی کرکٹر کا  کہنا تھا کہ تقریب میں موجود فخر زمان سمیت تمام کرکٹرز کے پی پولیس اور فورسز کے ساتھ ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM