04 جولائی ، 2022
سابق فاسٹ بولر شعیب اختر ان دنوں فریضہ حج کی ادائیگی کے لیے مکہ مکرمہ میں موجود ہیں۔
حال ہی میں شعیب اختر نے احرام پہنے تصاویر شیئر کرتے ہوئے مداحوں کو فریضہ حج کی ادائیگی کی اطلاع دی تھی جس میں بتایا تھا کہ ’الحمد اللہ میں سعودی عرب کے سرکاری مہمان کی حیثیت سے فریضہ حج کی ادائیگی کے لیے روانہ ہو رہا ہوں۔‘
اب شعیب اختر کی جانب سے ایک ویڈیو شیئر کی گئی ہے جس میں وہ مکہ کلاک ٹاور کے سب سے اونچے مقام پر کھڑے ہیں اور وہاں سے خانہ کعبہ کے روح پرور مناظر دکھا رہے ہیں۔
ویڈیو پر شعیب اختر نے سبحان اللہ کا کیپشن بھی درج کیا جب کہ ویڈیو کو چند گھنٹوں میں ایک لاکھ سے زائد صارفین دیکھ چکے ہیں۔