پاکستان: کورونا سے مزید 7 افراد انتقال کرگئے
20 جولائی ، 2022
پاکستان میں کورونا وائرس کے مثبت کیسز سامنے آنے کا سلسلہ جاری ہے۔
قومی ادارہ برائے صحت (این آئی ایچ) کی جانب سے جاری کردہ اعداد و شمار کے مطابق گزشتہ 24 گھنٹوں کے دوران ملک میں کووڈ مثبت آنے کی شرح 2.78 رہی۔
اس کے علاوہ ملک میں 21 ہزار 264 ٹیسٹ کیے گئے جن میں سے 592 افراد میں وائرس کی تصدیق ہوئی۔
این آئی ایچ کے مطابق وائرس سے مزید 7 مریض انتقال کر گئے جب کہ اب بھی 174 مریضوں کی حالت انتہائی تشویشناک ہے۔
