شہباز شریف کورونا میں مبتلا امریکی صدر کی جلد صحتیابی کے خواہشمند
25 جولائی ، 2022
وزیر اعظم شہباز شریف نے کورونا میں مبتلا امریکی صدر جو بائیڈن کی جلد اور مکمل صحت یابی کے لیے نیک خواہشات کا اظہار کیا ہے۔
شہباز شریف نے اتوار کے روز ٹوئٹر پر بیان جاری کرتے ہوئے کہا کہ ' میری خواہش ہے کہ امریکی صدر جوبائیڈن کورونا وبا سے جلد صحت یاب ہوجائیں'۔
واضح رہے کہ کچھ روز قبل 79 سالہ امریکی صدر بائیڈن کاکورونا ٹیسٹ مثبت آیا تھا۔
غیر ملکی میڈیا رپورٹس کے مطابق کورونا میں مبتلا امریکی صدر کے معالج ڈاکٹر کیون کا کہنا ہے کہ جو بائیڈن کی حالت میں بہتری آرہی ہے۔
ڈاکٹر کیون کا بتانا ہے کہ جوبائیڈن کی کورونا علامات میں بھی اب افاقہ ہے جبکہ ان کے پھیپھڑے صاف اور آکسیجن معمول کے مطابق ہے۔امریکی صدر ممکنہ طور پر کورونا کے بی اے 5 ویرینٹ کا شکار ہوئے۔
