انٹرٹینمنٹ
31 جولائی ، 2022

'صبا کو ایک مرتبہ بہلا کر ڈنر کیلئے راضی کیا تو وہ پوری ٹیم کو ساتھ لے آئی'

بڑی کوشش کی کہ صبا سے تعلقات دوستی سے زیادہ بڑھیں لیکن اس نے لفٹ ہی نہیں کروائی: سید جبران__فوٹو: فائل
بڑی کوشش کی کہ صبا سے تعلقات دوستی سے زیادہ بڑھیں لیکن اس نے لفٹ ہی نہیں کروائی: سید جبران__فوٹو: فائل

ڈرامہ انڈسٹری کے اداکار سید جبران نے اداکارہ صبا قمر سے دوستی کرنے اور تعلقات آگے بڑھانے کے لیے کیے جانے والے جتن سے متعلق بتایا ہے۔

سید جبران نے ایک ویب شو میں شرکت کی جس میں انہوں نے بتایا کہ ان کی پسندیدہ اداکارائیں صبا قمر اور سجل علی ہیں، وہ ان دونوں کے کام کو بے حد پسند کرتے ہیں جب کہ صبا سے ماضی میں وہ دوستی کرنا چاہتے تھے۔

اداکار نے 2004 میں صبا قمر سے پہلی ملاقات کا دلچسپ قصہ سنایا کہ 'اس وقت میرا اداکاری کا پہلا سال تھا، میں کراچی ایک کمرشل کرنے آیا تھا جس میں میرے ساتھ صبا تھیں، مجھے معلوم تھا کہ کوئی ماڈل لاہور سے آئی ہے'۔

سید جبران نے کہا 'یہ میرے ساتھ بیٹھی تھیں لیکن اس نے مجھے بالکل لفٹ نہیں کروائی، ہلکی سی بات چیت ہوئی'۔

انہوں نے بتایا 'اس کے بعد میں اسلام آباد ایک ڈرامہ شوٹ کرنے گیا جس میں میرے ساتھ صبا بھی تھیں، تب ہماری دوستی کی شروعات ہوئی، پھر میں نے بڑی کوشش کی کہ صبا سے میرے تعلقات دوستی سے زیادہ بڑھیں لیکن اس نے لفٹ ہی نہیں کروائی'۔

سید جبران نے انکشاف کیا کہ 'ایک دن میں نے اسے بہلا پھسلا کے ڈنر کے لیے تیار کیا لیکن صبا اتنی تیز تھی، وہ مان تو گئی لیکن جب میں اسے لینے گیا تو یہ پوری ٹیم کو ساتھ لے آئی'۔

دوران انٹرویو اداکار نے کہا 'اس دن کے بعد سے میں نے ہار مان لی کہ صبا کے ساتھ دوستی سے زیادہ کچھ نہیں ہو سکتا، اس سے صرف دوستی رکھو، اس دن کے بعد سے میری صبا کے ساتھ بہترین دوستی ہوگئی'۔

جبران نے کہا کہ 'میں نے صبا سے کہا اگر ہمارا سین ہوتا اور پھر بریک اپ ہوجاتا تو مسئلہ ہوتا، اچھا ہوا تم ڈنر پر پوری ٹیم کو ساتھ لائیں'۔

واضح رہے کہ سید جبران اور صبا قمر کی عید الفطر پر فلم 'گھبرانا نہیں ہے'  ریلیز ہوئی ہے۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM