کاروبار
31 جولائی ، 2022

ٹیسلا اور اسپیس ایکس کے مالک ایلون مسک اپنا ذاتی ائیرپورٹ بنائیں گے

ٹیسلا کے منافعے میں پہلے کوارٹر کے 18.8 ارب ڈالر کے مقابلے میں کمی واقع ہوئی ہے اور ٹیسلا کا دوسرے کوارٹر کا منافعہ 16.9 ارب ڈالر رہا: رپورٹ — فوٹو:فائل
ٹیسلا کے منافعے میں پہلے کوارٹر کے 18.8 ارب ڈالر کے مقابلے میں کمی واقع ہوئی ہے اور ٹیسلا کا دوسرے کوارٹر کا منافعہ 16.9 ارب ڈالر رہا: رپورٹ — فوٹو:فائل

ٹیسلا اور اسپیس ایکس کے مالک کھرب پتی کاروباری شخصیت ایلون مسک اپنا ذاتی ائیرپورٹ بنانے کی تیاریاں کر رہے ہیں۔

غیرملکی میڈیا رپورٹ کے مطابق ایلون مسک امریکی ریاست ٹیکساس میں آسٹن کے قریب اپنا ذاتی ائیر پورٹ بنانے کا ارادہ رکھتے ہیں۔

ایلون مسک کے قریبی ذرائع کے حوالے سے رپورٹ میں بتایا گیا ہے کہ ائیرپورٹ کے لیے مطلوبہ ایراضی کا فی الحال کوئی حتمی فیصلہ نہیں کیا گیا تاہم ایک اندازے کے مطابق آسٹن کے ایگزیکیٹو ائیرپورٹ کے کمیونٹی ہینگر کی اراضی 1 لاکھ 30 ہزار اسکوائر فٹ جبکہ رن وے کی اراضی 6 ہزار 25 اسکوائر فٹ ہے۔

رپورٹ کے مطابق ائیرپورٹ کی تعمیرات جلد ممکن نہیں کیوں کہ اس کے لیے اینوائرنمنٹ پروٹیکشن ایجنسی (ای پی اے) اور فیڈرل ایوی ایشن اتھارٹی (ایف اے اے) کی منظوری درکار ہے۔

خیال رہے کہ ٹیسلا کی جانب سے جاری کردہ روینیو رپورٹ کے مطابق کمپنی کے منافعے میں پہلے کوارٹر کے 18.8 ارب ڈالر کے مقابلے میں کمی واقع ہوئی ہے اور ٹیسلا کا دوسرے کوارٹر کا منافعہ 16.9 ارب ڈالر رہا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM