مس یونیورس ہرناز سندھو کے خلاف بھارتی اداکارہ عدالت چلی گئیں

بھارتی اداکارہ اور پروڈیوسر اپاسنا سنگھ نے مس یونیورس ہناز کور سندھو کے خلاف پنجابی فلم کا کانٹریکٹ توڑنے پر عدالت میں درخواست داخل کر دی ہے۔

اپاسنا سنگھ کا کہنا ہے کہ انہوں نے ہرناز سنگھ کو مس یونیورس بننے سے قبل اپنی فلم ‘بھائی جی کٹاں گے’ میں کام کرنے کا موقع دیا تھا، لیکن اب جب وہ مس یونیورس بن گئی ہیں تو کانٹریکٹ کے مطابق فلم پروموشن کے لیے وقت نہیں دے رہی ہیں۔

اپاسنا سنگھ کی جانب سے چندیگڑھ کی عدالت میں ہرناز سندھو کے خلاف مقدمہ درج کروایا گیا ہے جس میں انہوں نے مؤقف اختیار کیا ہے کہ ہرناز سندھو نے ان کے ساتھ فلم کا کانٹریکٹ سائن کیا تھا لیکن اب وہ کانٹریکٹ کی خلاف ورزی کرتے ہوئے فلم کی پروموشن کے لیے وقت نہیں دے رہی ہیں۔

بھارت کی ہرناز سندھو نے 'مس ​​یونیورس' کا ٹائٹل اپنے نام کر لیا

اس سے قبل 21 سال پہلے اداکارہ لارا دتہ نے سنہ 2000 میں اور اداکارہ سشمیتا سین نے سنہ 1994 میں ہندوستان کو مس یونیورس کا خطاب دلایا تھا۔

ہرناز سندھو نے دسمبر2021 میں مس یونیورس کا مقابلا جیتا تھا، اس سے قبل سشمیتا سین، لارا دتا بھی مس یونیورس کا خطاب جیت چکی ہیں۔