06 اگست ، 2022
امریکا کی شمال مشرقی ریاست پنسلوینیا کے ایک گھر میں آگ بھڑک اٹھی جس کے نتیجے میں 3 بچوں سمیت 7 فراد ہلاک ہوگئے۔
غیر ملکی میڈیا کے مطابق گھر میں لگنے والی آگ نے دیکھتے ہی دیکھتے پورے گھر کو اپنی لپیٹ میں لے لیا جس کے نتیجے میں گھر میں موجود ایک ہی خاندان کے 3 بچوں سمیت 7 افراد جان کی بازی ہار گئے۔
میڈیا رپورٹس کے مطابق ہلاک ہونے والوں کا تعلق ایک ہی خاندان سے ہے اور متوفی بچوں کی عمریں 5 سے 7 سال کے درمیان ہیں۔
انتظامیہ کے مطابق آگ بجھانے والے عملے کو واقعے کی اطلاع متاثرہ فیملی کے پڑوسی نے دی جس پر عملے نے موقع پر پہنچ کر آگ پر قابو پایا تاہم آگ لگنے کی وجہ تاحال معلوم نہیں ہو سکی ہے۔