کراچی: سی ٹی ڈی کی کارروائی، صدر بم دھماکے میں ملوث شخص گرفتار

کراچی: حب ریور روڈ پرکاؤنٹر ٹیررازم ڈیپارٹمنٹ (سی ٹی ڈی) نے کارروائی کرتے ہوئے ایک دہشت گردکو گرفتار کرلیا۔

پولیس حکام کے مطابق گرفتار دہشت گرد کی شناخت شیراز کے نام سے ہوئی ہے جو کہ کراچی کے علاقے صدر میں بم دھماکے میں ملوث رہا ہے۔

کراچی کے علاقے صدر میں کوسٹ گارڈز کی گاڑی کے قریب دھماکا، ایک شخص جاں بحق

دھماکا 10 بجکر 52 منٹ پر کچرا کنڈی میں ہوا، دھماکہ خیز مواد سائیکل میں نصب تھا جس میں تقریباً 2سے ڈھائی کلوگرام دھماکا خیز مواد استعمال کیا گیا

پولیس کا کہنا ہےکہ گرفتار دہشت گردکے قبضے سے  اسلحہ اور گولا بارود بھی برآمد کیا گیا ہے، دہشت گرد سے مزید تفتیش کی جارہی ہے۔

خیال رہے کہ رواں سال 12 مئی کو کراچی کے علاقے صدر میں ہونے والے بم دھماکے میں ایک شخص جاں بحق اور 7 افراد زخمی ہوگئے تھے، دھماکے میں متعدد گاڑیوں کو بھی نقصان پہنچا تھا۔

عینی شاہدین کا کہنا تھا کہ کوسٹ گارڈز کی گاڑی کے قریب دھماکا ہوا، واقعےکی سی سی ٹی وی فوٹیج میں بھی دیکھا گیا کہ کوسٹ گارڈز کی گاڑی آتے ہی دھماکا ہوا۔

کراچی کے علاقے صدر میں دھماکےکی سی سی ٹی وی فوٹیج سامنے آگئی

فوٹیج میں دیکھا جاسکتا ہےکہ دھماکے کے وقت روڈ پر کافی رش تھا ، دھماکے کے بعد ہرطرف دھواں پھیل گیا اور بھگدڑ مچ گئی

کراچی، صدر دھماکے میں مبینہ لاپتہ ہونیوالی 15 سالہ لڑکی پولیس شکایتی مرکز پہنچ گئی

ابتدائی تحقیقات کے مطابق لڑکی کو اغوا نہیں کیا گیا، پولیس