سوشل میڈیا پر وائرل ننھے بیٹر کی بالآخر محمد یوسف سے ملاقات ہوگئی

سوشل میڈیا پر وائرل ننھے بیٹر کی بالآخر پاکستان کرکٹ ٹیم کے  سابق کپتان محمد یوسف سے ملاقات ہوگئی۔

گزشتہ دنوں پاکستان کرکٹ ٹیم کے موجودہ بیٹنگ کوچ محمد یوسف نے ایک بچے کی بیٹنگ کرتے ہوئے ویڈیو شیئر کرتے ہوئے مداحوں سے اس کا نمبر مانگا تھا۔

محمد یوسف نے ویڈیو کے کیپشن میں لکھا تھا کہ ’اس بچے کو کوئی جانتا ہے؟ اگر کسی کے پاس اس کا کانٹیکٹ نمبر یا ڈیٹیل ہو تو ضرور بھیجیں۔‘

تاہم کم عمر بیٹر نے آج سابق کپتان اور لیجنڈ محمد یوسف سے ملاقات کی اور ان کے ساتھ نیٹ پر بیٹنگ کی اس دوران قومی ٹیم کے بیٹنگ کوچ نے اسے ٹپس بھی دیں۔

محمد یوسف نے بچے کی بیٹنگ کی ویڈیو شیئر کرکے مداحوں سے رابطہ نمبر مانگ لیا

ٹوئٹر پر محمد یوسف نے ایک ویڈیو شیئر کی جس میں بچے کو شارٹس کھیلتے ہوئے دیکھا جاسکتا ہے

سوشل میڈیا پر بیان جاری کرتے ہوئے محمد یوسف نے کہا کہ 'چھوٹی سی عمرمیں بیٹ اسپیڈ اور ہینڈ، آئی کارڈینیشن اچھی تھی، ہم نے اپنے بچوں کو وہ چیزیں سکھانی ہیں کہ آگے چل کر وہ ہر فارمیٹ کھیل سکے'۔

انہوں نے کہا کہ بچوں کی حوصلہ افزائی ضروری ہے یہی آگے چل کر ملک کا نام روشن کریں گے۔