10 اگست ، 2022
نیوزی لینڈکرکٹ نے آئی سی سی ون ڈے رینکنگ میں سرفہرست فاسٹ بولر ٹرینٹ بولٹ کا سینٹرل کنٹریکٹ ختم کر دیا۔
نیوزی لینڈ کرکٹ کے مطابق ٹرینٹ بولٹ کو ان کی خواہش پر سینٹرل کنٹریکٹ سے ریلیز کر دیا گیا ہے ۔
نیوزی لینڈ کرکٹ کا کہنا ہے کہ ٹرینٹ بولٹ فیملی کو زیادہ سے زیادہ ٹائم دینا چاہتے ہیں اور ہم ان کی رائے کا احترام کرتے ہیں۔
نیوزی لینڈ کرکٹ کے مطابق ٹرینٹ بولٹ پوری دنیا میں ہونے والی لیگز میں حصہ لیتے رہیں گے۔
رپورٹس کے مطابق فیصلے پر ٹرینٹ بولٹ کا کہنا تھا کہ یہ ایک مشکل فیصلہ ہے لیکن یہ زندگی کے اگلے مرحلے میں جانے کا صحیح وقت ہے، ان کا کہنا تھا کہ فیملی ہمیشہ ترجیح رہی ہے اور وہ خود کو کرکٹ کے بعد کی زندگی کے لیے تیار کرنا چاہتے ہیں۔