پاکستان
11 اگست ، 2022

شہباز گل نے کچھ جملے ایسے کہے جو نہیں کہنے چاہیے تھے: شاہ محمود

جس انداز میں شہباز گل کو گرفتار کیا گیا وہ مناسب نہیں تھا،قانونی اور سیاسی طریقے سے اپنا دفاع کریں گے: شاہ محمود__فوٹو فائل
جس انداز میں شہباز گل کو گرفتار کیا گیا وہ مناسب نہیں تھا،قانونی اور سیاسی طریقے سے اپنا دفاع کریں گے: شاہ محمود__فوٹو فائل

ملتان: تحریک انصاف کے وائس چیئرمین شاہ محمود قریشی کا کہنا ہے کہ شہباز گل نے کچھ جملے ایسے کہے جو ان کو نہیں کہنے چاہیے تھے۔

ایک بیان میں شاہ محمود قریشی نے کہا کہ جس انداز میں شہباز گل کو گرفتار کیا گیا وہ مناسب نہیں تھا، ہم قانونی اور سیاسی طریقے سے اپنا دفاع کریں گے۔

انہوں نے کہا کہ شہباز گل نے کچھ جملے ایسے کہے جو ان کو نہیں کہنے چاہیے تھے، انہیں خیال کرنا چاہیے تھا۔

دوسری جانب فواد چوہدری نے شہباز گل کے بیان سے اظہار لاتعلقی کرتے ہوئے کہا کہ انہوں نے جو کہا وہ ان کی ذاتی رائے تھی، پارٹی کا بیانیہ نہیں تھا، جس طرح باقی رہنماؤں کو معاف کیا گیا، شہباز گل کو بھی معاف کر دینا چاہیے۔

خیال رہےکہ پی ٹی آئی رہنما شہباز گل کو  اسلام آباد سے گرفتار کیا گیا ان پر تھانہ کوہسار میں اداروں کے خلاف مبینہ غداری سمیت سنگین نوعیت کے 10 مقدمات درج ہیں۔

اسلام آباد کی مقامی عدالت نے شہباز گل کو دو روز کے جسمانی ریمانڈ پر پولیس کے حوالے کیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM