سعودی عرب پاکستان کو 3 ارب ڈالر کی امداد دینے کا ارادہ رکھتا ہے: خبر ایجنسی

غیر ملکی خبر رساں ایجنسی نے دعویٰ کیا ہے کہ سعودی عرب پاکستان کو 3 ارب ڈالر کی امداد دینے کا ارادہ رکھتا ہے۔

خبرایجنسی بلوم برگ نے اپنی رپورٹ میں کہا ہے کہ سعودی وزارت خزانہ اسی ہفتے اسٹیٹ بینک آف پاکستان سے 3 ارب ڈالر ڈپازٹ کرنے کے معاہدے کی تجدید کرسکتا ہے۔

سعودی عرب نے مزید ایک ارب ڈالر پاکستان کو منتقل کردیئے، اسٹیٹ بینک کی تصدیق

اسٹیٹ بینک کے مطابق موصول رقم سعودی عرب کے3 ارب ڈالر سپورٹ کی دوسری قسط ہے، سعودی پیکج کے تحت ایک ارب ڈالر کی تیسری قسط جنوری کے وسط میں ملنے کا امکان ہے۔

خبر ایجنسی کا یہ بھی کہنا ہے کہ سعودی عرب 10 ماہ تک ماہانہ 10 کروڑ ڈالر کی پیٹرولیم مصنوعات کی اضافی مدد بھی کرسکتا ہے۔

یہ بھی کہا جارہا ہے کہ سعودی عرب کی طرف سے اس امداد کا اعلان دو دنوں میں کیا جا سکتا ہے۔

خبر ایجنسی کے مطابق سعودی اور پاکستانی وزارت خزانہ نےاس خبر پر فوری طور پر کوئی تبصرہ نہیں دیا ہے۔