بلوچستان میں بارشوں اور سیلابی ریلوں سے ہوئے نقصانات کا سروے کرانے کا فیصلہ

وزیراعلیٰ بلوچستان میر عبدالقدوس بزنجو کی زیر صدارت ہونے والے اجلا س میں فیصلہ کیا گیا ہے کہ صوبے میں پندرہ اگست سے نقصانات کے سروے کا آغاز کر دیا جائیگا

اجلاس میں فیصلہ کیا گیا کہ سروے کرنے اور نقصانات کا تخمینہ لگانے کیلئے  مشترکہ ٹیمیں نقشوں اور سیٹلائیٹ کی مدد سے نقصانات کا سروے کریں گی۔

اجلا س میں ڈائریکٹر جنرل صوبائی ڈیزاسٹرا منیجمنٹ اتھارٹی (پی ڈی ایم اے) نے بریفنگ دیتے ہوئے بتایا کہ 14 سے 18 اگست تک مزید بارشوں کی پیشگوئی ہے جس کیلئے متعلقہ اضلاع کو الرٹ جاری کر دیا گیا ہے جبکہ سیلاب سے متاثرہ اضلاع میں جاری امدادی سر گرمیوں سے متعلق میں بھی اجلاس کو آگاہی دی گئی۔

اجلاس میں محکمہ مواصلات کو متاثرہ سڑکوں اور پلوں کی بحالی اور کوئٹہ کراچی قومی شاہراہ پر ٹریفک کی بحالی کیلئے فوری اقدامات کی ہدایات جاری کی گئیں۔

بلوچستان میں بارشوں سے تباہی کے بعد آج سے مزید بارشوں کی پیشگوئی

اب تک صوبے میں 987 ملی میٹر بارش ریکارڈ ہوچکی ہے جب کہ گزشتہ سالوں میں بارشوں کا اوسط ریکارڈ 6.9 ملی میٹر ہے۔

اجلاس کے دوران وزیراعلیٰ بلوچستان نے ہدایت کی کہ امداد کی فراہمی اور نقصانات کے سروے کے دوران ہر متاثرہ فرد اور خاندان تک رسائی کو یقینی بنایا جائے۔