14 اگست ، 2022
خیبر پختونخواکے اسکولوں میں موسم گرما کی تعطیلات میں 31 اگست تک توسیع کا فیصلہ واپس لے لیا گیا۔
خیبر پختونخوا کے محکمہ ابتدائی و ثانوی تعلیم کی جانب سے موسم گرما کی تعطیلات ختم کرنےکا اعلامیہ جاری کردیا گیا۔
اعلامیےکے مطابق محکمہ موسمیات نے گرمی کی شدت میں کمی کی پیش گوئی کی ہے اس لیے تمام نجی اور سرکاری اسکولز کل سےکھلیں گے۔
خیال رہےکہ خیبر پختونخوا کے محکمہ ابتدائی و ثانوی تعلیم نے گرم علاقوں میں چھٹیوں کا دورانیہ بڑھاتے ہوئے اعلان کیا تھا کہ اسکول 15 اگست کے بجائے یکم ستمبرکو کھلیں گے تاہم اب گرمی کی شدت میں کمی کےبعد چھٹیوں میں توسیع کا اعلامیہ منسوخ کردیا گیا ہے۔