وزیراعظم کا شیخ مجیب الرحمان کی برسی پربنگلادیشی ہم منصب کو تعزیتی پیغام
15 اگست ، 2022
وزیرِ اعظم پاکستان شہباز شریف نے شیخ مجیب الرحمان کی 47 ویں برسی کے موقع پر بنگلا دیشی ہم منصب شیخ حسینہ واجد کو تعزیتی پیغام دیا ہے۔
شیخ مجیب الرحمان کی 47 ویں برسی کے موقع پر بنگلا دیش میں آج یوم سوگ منایا گیا۔ اس موقع پر وزیراعظم شہباز شریف نے بنگلا دیشی ہم منصب شیخ حسینہ واجد کو تعزیتی پیغام دیا۔
شہباز شریف کا پیغام میں کہنا تھاکہ والد اور دیگراہل خانہ کی برسی پرآپ اور بنگلا دیشی عوام سے اظہار تعزیت کرتا ہوں۔
انہوں نے کہا کہ اللہ اُنہیں اور آپ کے دیگر اہلِ خانہ کو جنت میں اعلیٰ مقام عطا کریں، سوگ کے اس موقع پر آپ سب ہماری دعاؤں میں ہیں۔
