بلوچستان: پشین میں گاڑی سیلابی ریلے میں بہہ گئی، 3 خواتین اور 2 بچے جاں بحق

بلوچستان کے علاقے پشین میں گاڑی سیلابی ریلے میں بہہ گئی جس کے نتیجے میں 3 خواتین اور 2 بچے جاں بحق ہوگئے۔

اس کےعلاوہ مستونگ میں گرج چمک کے ساتھ تیز بارش کی وجہ سے نشیبی علاقے زیرِ آب آگئے ، ندی نالوں میں طغیانی  اور کھڑی فصلیں تباہ  ہوگئیں۔ سیلابی پانی گھروں میں داخل ہوگیا اور کچے مکانات گرگئے ۔

توبہ اچکزئی اور موسیٰ خیل میں بارشوں سے 9 ہلاکتیں، 2 لیویز افسران بھی بہہ کر جاں بحق

سیلابی ریلے سے باغات اور فصلیں تباہ جب کہ کئی مویشی بہہ گئے، انتظامیہ نے صورتحال خراب ہونےپر شہریوں کی فوری منتقلی شروع کردی۔

رپورٹس کے مطابق کانک ڈیم کے اسپل وے سے پانی اوور فلو ہوگیا جس کی وجہ سے  پانی گھروں میں داخل ہوا۔

ذرائع کا کہنا ہے کہ سیلاب متاثرین کی بحالی و نقصانات کے ازالے کے لیے ڈی جی پی ڈی ایم اے نے 14 رکنی کمیٹی قائم کردی  ہے۔