پاکستان: کورونا سے مزید 5 اموات، شرح ڈھائی فیصد سے زائد
17 اگست ، 2022
ملک میں گزشتہ 24 گھنٹوں کے دوران کورونا سے 5 افراد انتقال کرگئے۔
قومی ادارہ برائے صحت کے مطابق ملک میں گزشتہ 24 گھنٹوں میں کورونا وائرس کی تشخیص کے لیے 19 ہزار 312 ٹیسٹ کیے گئے جن میں سے 526 افراد میں کورونا کی تصدیق ہوئی اور مثبت کیسز کی شرح 2.72 رہی۔
این آئی ایچ کے مطابق گزشتہ 24 گھنٹوں کے دوران کورونا سے مزید 5 افراد انتقال کرگئے جس سے مرنے والوں کی تعداد 30 ہزار 542 ہوگئی۔
