دنیا
17 اگست ، 2022

کیتھولک رہنما کارڈینل مارک پر اپنی انٹرن سے جنسی زیادتی کا الزام

مذکورہ الزام کینڈین صوبے کیوبیک کی مقامی عدالت میں پیش کردہ قانونی دستاویزات میں لگایا گیا ہے__فوٹو: فائل
مذکورہ الزام کینڈین صوبے کیوبیک کی مقامی عدالت میں پیش کردہ قانونی دستاویزات میں لگایا گیا ہے__فوٹو: فائل

کینیڈا کے معروف کیتھولک رہنما کارڈینل مارک اولیٹ پر جنسی زیادتی کا الزام عائد ہونے پر مقدمہ درج کرلیا گیا۔

مذکورہ الزام کینیڈین صوبے کیوبیک کی مقامی عدالت میں پیش کردہ قانونی دستاویزات میں لگایا گیا ہے جس میں خاتون نے دعویٰ کیا کہ انہیں ماضی میں اس وقت جنسی زیادتی کا نشانہ بنایا گیا جب وہ کم عمر تھیں۔

غیر ملکی میڈیا رپورٹس کے مطابق دستاویزات میں بتایا گیا کہ متاثرہ خاتون ایک چیریٹی کی تقریب میں 2008 میں کارڈینل مارک سے ملیں ، اس وقت ان کی عمر 23 برس تھی اور وہ چرچ میں انٹرن تھیں۔

خاتون نے دعویٰ کیا کہ رات کے کھانے کے بعد کارڈینل مارک نے نامناسب طریقے سے ان کے کندھوں پر ہاتھ لگایا اور پھر کمر سہلانے لگے جس پر خاتون کو سمجھ نہ آیا کہ وہ کیا ردعمل دیں۔

دستاویزات میں الزام عائد کیا گیا کہ بعد ازاں 2010 میں ایک تقریب پر موقع پر کارڈینل نے مذکورہ خاتون کو بوسہ دینے کی خواہش کا اظہار کیا ، ساتھ ہی کچھ غیر مناسب جملے بھی کہے۔

واضح رہے کہ ماضی میں کیتھولک رہنما کارڈینل مارک اولیٹ پوپ کے مضبوط امیدوار سمجھے جاتے تھے۔

کارڈینل مارک اولیٹ کا شمار ان افراد میں ہوتا ہے جو جنسی استحصال کو روکنے کے لیے اپنی آواز بلند کرتے رہے ہیں۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM