کھیل
Time 23 ستمبر ، 2022

ویڈیو: بابر کی سنچری پر رضوان کی سلیبریشن وائرل

قومی ٹیم کے کپتان بابر  اعظم جہاں  انگلینڈ کے خلاف شاندار سنچری سے ٹی ٹوئنٹی کرکٹ میں دو سنچریاں بنانے والے پہلے پاکستانی بیٹر بن گئے وہیں اس شاندار فتح سے اپنے اسٹرائیک ریٹ پر  تنقید کرنے والوں کے منہ بھی بند کروا دیے۔

اس فتح پر جہاں مارے جذبات میں  بابر سلیبریشن کرتے اچھل پڑے وہیں رضوان کی بھی خوشی بھی دیدنی تھی اور  وکٹ کیپر بیٹر کی سلیبریشن کی ویڈیو سوشل میڈیا پر وائرل ہو رہی ہے۔

ویڈیو میں رضوان کو  بابر کی سنچری پر خوشی سے بلا اٹھاتے اور جشن مناتے دیکھا گیا۔

بعد ازاں بابر اور  رضوان جہاں گلے ملے وہیں پاکستانی بولر حارث رؤف اور نسیم شاہ سمیت دیگر کھلاڑیوں نے بھی خوشی سے تالیاں بجاکر جشن منایا اور کپتان کو مبارکباد پیش کی۔

قومی ٹیم کے مڈل آرڈر بیٹر خوشدل شاہ نے بھی سوشل میڈیا پر بابر اعظم پر تنقید کرنے والوں کو جواب دیا۔

مزید خبریں :