25 ستمبر ، 2022
سیلابی صورتحال کے باعث معطل ہونے والی کراچی سے لاہور ٹرین سروس کی بحالی کا فیصلہ اب تک نہ ہو سکا۔
ترجمان پاکستان ریلوے کے مطابق سندھ میں متاثرہ ٹریک سے ابھی مکمل طور پر پانی نہیں اترا، پانی اترنے اور انسپیکشن مکمل ہونے کے بعد ہی ٹرینیں چلانے کا فیصلہ کیا جائے گا۔
یاد رہے کہ قومی اسمبلی کی قائمہ کمیٹی برائے ریلوے کی ذیلی کمیٹی میں انکشاف ہوا تھا کہ سیلاب کی وجہ سے ریلوے کو تقریباً 400 سے 500 ارب روپے کا نقصان ہو چکا ہے۔
اس حوالے سے وزیر ریلوے خواجہ سعد رفیق کا کہنا تھا کہ ٹریک کی انسپیکشن کے بغیر عوام کی جان کو خطرے میں نہیں ڈال سکتے۔