دنیا
29 ستمبر ، 2022

تباہ کن سیلاب آئی این (Ian) امریکی ریاست فلوریڈا سے ٹکرا گیا

فوٹو: سوشل میڈیا
فوٹو: سوشل میڈیا

تباہ کن طوفان آئی این (Ian) امریکی ریاست فلوریڈا کے جنوب مغربی حصے سے ٹکرا گیا ہے۔

241 کلومیٹر فی گھنٹہ کی رفتار سے چلنے والی آندھی کے سبب کئی مقامات پر حادثات بھی ہوئے ہیں۔

کیٹیگری فور طاقت کے اس طوفان کی وجہ سے ریاست کے مختلف علاقوں میں شدید بارش جاری ہے جس سے نشیبی علاقوں کو سیلاب کا سامنا ہے، خدشہ ظاہر کیا گیا ہے کہ بارش کی وجہ سے صنعتی علاقوں میں زہریلا فاضل مادہ مختلف جگہوں پر پھیل سکتا ہے۔

طوفان کے باعث مختلف علاقوں میں دس لاکھ سے زائد شہری بجلی سے محروم ہیں۔

واضح وارننگ کے باوجود جن افراد نے نقل مکانی نہیں کی وہ اب گھروں سے باہرنکلنے سے بھی خوفزدہ ہیں۔

طوفان کی شدت اس قدر ہے کہ ٹیمپا بے سے پانی کو بھی اس نے دھکیل دیا ہے جس کی وجہ سے بعض حصوں میں پانی ایک فٹ سے بھی کم ہوگیا ہے۔

طوفان کی شدت کو دیکھتے ہوئے شمالی اور جنوبی کیرولائنا ریاستوں میں پہلے ہی ہنگامی حالت نافذ کردی گئی ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM