نواز شریف کی وطن واپسی سے قبل پنجاب میں تبدیلی ضروری ہے: خواجہ آصف

وزیر دفاع خواجہ آصف نےکہا ہےکہ مریم نواز کے باعزت بری ہونے کے بعد نواز شریف جلد واپس آئیں گے، مگر انہیں احتیاط کی ضرورت ہے، نواز شریف کی وطن واپسی سے قبل پنجاب میں تبدیلی ضروری ہے۔

جیو نیوز کے پروگرام کیپٹل ٹاک کے میزبان حامد میر سے خصوصی گفتگو میں خواجہ آصف نے پنجاب میں تبدیلی کی کوشش کے سوال پرکہا کہ ہم اس پوزیشن میں ہوجائیں گے ،کوشش ہے اور جاری رہےگی، وہ پنجاب میں کون سا ڈیڑھ، 200 کی اکثریت لے کر بیٹھے ہوئے ہیں، ان کے پاس سات، آٹھ کی اکثریت ہے۔

ایون فیلڈ ریفرنس میں 7 سال کی سزا کالعدم قرار، مریم نواز بری

اسلام آباد ہائیکورٹ نے ایون فیلڈ ریفرنس میں مریم نواز کی درخواست پر محفوظ فیصلہ سنایا

 آرمی چیف کی تقرری کے سوال پر وزیر دفاع نےکہا کہ ابھی دو مہینے ہیں، تاریخ کا فیصلہ یہ ہےکہ چار آرمی چیف نواز شریف نے مقرر کیے تھے، پانچواں  آرمی چیف نواز شریف کا بھائی مقرر کرنے جا رہا ہے ۔

خواجہ آصف کا کہنا تھا کہ آرمی چیف کی تعیناتی میں اتفاق رائےکہاں سےآیا؟کسی آئین و قانون میں نہیں۔

مریم کے ایون فیلڈ ریفرنس میں بری ہونے پر نواز شریف کا بیان سامنے آگیا

میرے اور مریم نواز کے خلاف مقدمات سیاسی تھے، مقدمات کا مقصد ہمیں سیاست سے باہر نکالنا تھا: نواز شریف

اللہ نے عمران خان کو ناکام اور نواز شریف کو سرخروکیا: مریم

وزیراعظم کے کمرے میں بیٹھ کر دو شیطانی دماغوں نے امریکی سائفر کا جھوٹ گھڑا: نائب صدر ن لیگ