پاکستان
02 اکتوبر ، 2022

ملک میں نئے الیکشن کب ہونگے، کونسے مہینے بہت خطرناک ہیں؟ منظور وسان کی نئی پیشگوئیاں

فوٹو: فائل
فوٹو: فائل

پاکستان پیپلز پارٹی کے رہنما منظور وسان نے ملکی سیاسی صورتحال کے حوالے سے نئی پیش گوئیاں کی ہیں۔

کراچی میں میڈیا سے گفتگو کرتے ہوئے منظور وسان کا کہنا تھا کہ اکتوبر اور نومبر بڑے خطرناک ہیں، ملک میں نئے الیکشن 2023 میں ہوں گے، یہ بھی ہو سکتا ہے کہ الیکشن ایک سال کے لیے آگے چلے جائیں۔

ان کا کہنا تھا کہ ملک میں جب بھی الیکشن ہوں فری اینڈ فیئر ہوں اور حکومت کی مدت بھی پوری ہو۔

منظور وسان کا کہنا تھا کہ اب پرانے چہرے آرام کریں گے اور نئے چہرے جیلوں میں جائیں گے، کچھ خیرپور جیل میں بھی آئیں گے، ان کی خدمت میں کروں گا۔

رہنما پیپلز پارٹی نے کہا کہ ملک میں اب بہت سارے راز بھی فاش ہوں گے، حکومت بھی متحرک ہو گی اور اسٹیبلشمنٹ بھی متحرک ہو گی۔

منظور وسان کا کہنا تھا پہلے ہی کہا تھا بہت سی آڈیوز اور ویڈیوز لیکش ہوں گی جو سب دیکھ رہے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM