ایکنک نے 9 ارب 851کروڑ روپے کے ایم ایل ون منصوبے کے پی سی ون کی منظوری دے دی

وزیر خزانہ اسحاق ڈار کی زیر صدارت قومی اقتصادی کونسل کی ایگزیکٹو کمیٹی (ایکنک) کا اجلاس ہوا۔

اجلاس کے اعلامیے کے مطابق ایکنک نے 9 ارب 851کروڑ روپے کے ایم ایل ون منصوبے کے  پی سی ون کی منظوری دے دی۔

وزیراعظم آج کراچی سرکلر ریلوے کا افتتاح کریں گے

کراچی سرکلر کا ٹریک 29 کلومیٹر طویل ہوگا جس کے 16 اسٹیشنز ہوں گے۔

اعلامیے میں کہا گیا ہے کہ منصوبے کے تحت پاکستان ریلوے کے موجودہ نظام کو بہتر کیا جائے گا، ایکنک نے 292 ارب 38 کروڑ  8 لاکھ روپے کے کراچی سرکلر منصوبےکی منظوری بھی دی، اس منصوبے میں 263 ارب 14 کروڑ  9 لاکھ روپے غیر ملکی فنڈنگ سے ملیں گے۔

اعلامیے میں کہا گیا ہے کہ کراچی سرکلر ریلوے کا منصوبہ 44کلومیٹر طویل ہے جس میں جدید ٹریک بچھایا جائے گا، کراچی سرکلر  ریلوے منصوبہ ڈرگ روڈ سے شروع ہوکر گلشن اقبال، فیڈرل بی ایریا اور لیاقت آباد سےگزرےگا۔

کراچی سرکلر ریلوے کو نجی کمپنی کے حوالے کرنے کا فیصلہ

نجی کمپنی کے سی آر کو جدید خطوط پر تعمیر کرے گی اور اپنے اخراجات پورےکر کے ٹرین کا کنٹرول ریلوے کے حوالے کر دے گی: چیئرمین پاکستان ریلوے

علاوہ ازیں ایکنک نے نیلم آزاد کشمیر میں 48 میگا واٹ پن بجلی کا منصوبہ لگانے کی منظوری بھی دی،  یہ منصوبہ نیلم دریا کے کنارے کیل کے قریب لگایا جائے گا۔