فیفا ورلڈکپ: ڈنمارک اور تیونس کا میچ بغیر کسی گول کے برابر

قطر میں جاری فیفا فٹبال ورلڈ کپ کے تیسرے روز کا دوسرا میچ ڈنمارک اور تیونس کے درمیان برابری پر ختم ہوا، دونوں ٹیمیں گول کرنے میں ناکام رہیں۔

الریان کے ایجوکیشن سٹی اسٹیڈیم میں کھیلے گئے  گروپ ڈی کے میچ میں ڈنمارک اور تیونس کے درمیان اچھا مقابلہ ہوا اور دونوں ٹیموں کے کھلاڑیوں نے ایک، ایک مرتبہ گیند کو حریف کے جال میں بھی پہنچایا مگر ریفری نے آف سائیڈ کے سبب ان گولوں کو مسترد کردیا۔

اس کے علاوہ ڈنمارک کو گول کرنے کا ایک سنہری موقع ملا تھا مگر اُن کے کھلاڑی آندریس کورنیلس صرف ایک میٹر کے فاصلے سے گیند جال میں نہ پہنچا سکے۔

فیفا ورلڈکپ: 2 بارکے عالمی چیمپئن ارجنٹائن کو سعودی عرب کے ہاتھوں اپ سیٹ شکست

فیفا کی عالمی رینکنگ میں 51 ویں نمبر پر موجود سعودی ٹیم نے عالمی نمبر 3 ارجنٹائن کو ورلڈکپ میں 2 کے مقابلے میں ایک گول سے شکست دی

ڈنمارک کیلئے یہ ڈرا میچ اُس کے ناک آؤٹ مرحلے میں جانے میں رکاوٹ بھی بن سکتا ہے کیوں کہ اُس کے گروپ میں دفاعی چیمپئن فرانس بھی موجود ہے ۔ 

اس سےقبل منگل کو کھیلے گئے پہلے میچ میں سعودی عرب نے سنسنی خیز مقابلے کے بعد ارجنٹائن کو 1-2 سے شکست دے کر بڑا اپ سیٹ کردیا۔