لاہور میں ڈاکوؤں نے شہری سے ساڑھے چار لاکھ روپے لوٹ لیے
26 نومبر ، 2022
لاہور کے علاقے کوٹ لکھپت میں ڈاکوؤں نے بینک سے رقم لے کر گھر آنے والے شہری سے ساڑھے چار لاکھ روپے لو ٹ لیے۔
پولیس کے مطابق کوٹ لکھپت تھانہ نشتر کالونی کی حدود میں ڈکیتی کی واردات 24 نومبر کو ہوئی۔
پولیس کے مطابق واقعے کی سی سی ٹی وی فوٹیج میں دیکھا جا سکتا ہے کہ فیصل نامی شہری شاپنگ بیگ میں رقم لیے گھر کے باہر رکتا ہے، ریکی کرتے دو موٹرسائیکل سوار ڈاکو قریب آتے ہیں اور گن پوائنٹ پر شاپنگ بیگ چھین کر فرار ہو جاتے ہیں۔
پولیس حکام کے مطابق متاثرہ شہری بینک سے رقم لے کر گھر پہنچا تھا، واقعے کا مقدمہ درج کر لیا گیا ہے، جلد ملزمان کو بھی ٹریس کر لیں گے۔
