سلامتی کونسل کی کابل میں پاکستانی ناظم الامور پر حملے کی مذمت

اقوام متحدہ کی سلامتی کونسل نے کابل میں پاکستانی ناظم الامور پر حملے کی مذمت کی ہے۔

سلامتی کونسل نے کابل میں پاکستانی سفارتخانے پرحملےکے زخمی جوان کی جلد صحتیابی کیلئے نیک تمناؤں کا اظہار کیا۔

سلامتی کونسل نے افغان حکومت سے اقوام متحدہ کے رکن ممالک کے سفارتی مشنز، قونصل خانوں اور ملازمین کو تحفظ فراہم کرنے کا مطالبہ کیا ہے۔

کابل میں پاکستانی ناظم الامور پرقاتلانہ حملہ، گارڈ زخمی

فائرنگ اس وقت ہوئی جب ناظم الامور چہل قدمی کر رہے تھے، گارڈ کو سینے میں تین گولیاں لگیں، زخمی گارڈ کو پشاور پہنچادیا گیا: ذرائع

سلامتی کونسل کا کہنا تھاکہ رکن ممالک کے سفارت خانوں، قونصل خانوں اور عملےکی سکیورٹی کوبرقرار رکھا جائے، افغانستان میں فریقین سفارتخانوں، قونصل خانوں، سفارتی عملے کی سلامتی اور تحفظ کااحترام کریں۔

سلامتی کونسل کے مطابق ریاستیں ویاناکنونشن کے تحت سفارتخانوں، قونصل خانوں کے تحفظ کیلئے ہر ممکن اقدام کریں اور دہشتگردی کے مرتکب افراد، منصوبہ ساز، فنانسرز اور اسپانسرزکوانصاف کےکٹہرےمیں لایاجائے۔

خیال رہے کہ گزشتہ روز افغان دارالحکومت کابل میں پاکستانی ناظم الامور پرقاتلانہ حملہ ہوا جس میں سکیورٹی گارڈ زخمی ہوگیا۔

پاکستان نے افغان ناظم الامور کو طلب کرکے کابل میں ہیڈ آف مشن پر قاتلانہ حملے پر شدید احتجاج کیا اور واقعے کی تحقیقات اور کارروائی کا مطالبہ کیا ہے۔