پی ٹی آئی وقت ضائع کیے بغیرپنجاب اور کے پی میں انتخابات کیلئےجائیگی: فواد

لاہور: سابق وفاقی وزیر فواد چوہدری کا کہنا ہے کہ پاکستان تحریک انصاف وقت ضائع کیے بغیر پنجاب اور خیبر پختونخوا  کے صوبائی انتخابات کے لیے جائےگی۔

ٹوئٹر پر جاری بیان میں فواد چوہدری نے لکھا کہ عمران خان نے ممبران اسمبلی کو ہدایت کی ہےکہ اپنے حلقوں میں واپس پہنچیں، ہم مزید وقت ضائع نہیں کریں گے۔ 

فواد چوہدری کے مطابق ، پارٹی ارکان اسمبلی کو کہاگیا ہے فوری طورپر انتخابات کی تیاری کریں، پی ٹی آئی وقت ضائع کیے بغیر  پنجاب، خیبر پختونخوا کے صوبائی انتخابات کے لیے جائےگی۔

اگر حکومت مارچ کے آخر تک الیکشن پر تیار ہے تو ہم اسمبلیاں نہیں توڑتے: عمران خان

بجٹ کے بعد الیکشن کا سوال ہی نہیں پیدا ہوتا، اگر انہوں نے نہیں مانا تواس ماہ اسمبلیاں تحلیل کردینی ہیں، اب گیم زرداری کے ہاتھ میں نہیں، پرویز الہیٰ ہمارے ساتھ ہیں: چیئرمین پی ٹی آئی

فواد چوہدری نے   پی ڈی ایم پر تنقید کرتے ہوئے مزید  لکھا کہ موجودہ پی ڈی ایم انتخابات سے ایسے ہی بھاگتی رہی جیسے اب بھاگ رہی ہے، قومی اسمبلی کے انتخابات بعد میں ہوں گے۔

یاد رہے کہ چیئرمین تحریک انصاف عمران خان نے گزشتہ روز اپنے بیان میں کہا تھا اگر حکومت مارچ کے آخر تک الیکشن کے لیے تیار ہے تو ہم اسمبلیاں نہیں توڑتے۔