دنیا
04 دسمبر ، 2022

شادی میں بن بلائے آنیوالے ایم بی اے کے طالبعلم سے ہال کے برتن دھلوانے کی ویڈیو وائرل

اس ویڈیو میں لڑکا بتاتا ہے کہ وہ صرف کھانا کھانے شادی کی تقریب میں آیا تھا__فوٹو: فائل
اس ویڈیو میں لڑکا بتاتا ہے کہ وہ صرف کھانا کھانے شادی کی تقریب میں آیا تھا__فوٹو: فائل

بھارت میں انتہائی انسانیت سوز  واقعہ پیش آیا ہے جس پر سوشل میڈیا صارفین غم و غصے کا اظہار کر رہے ہیں۔

حال ہی میں بھارتی ریاست مدھیہ پردیش سے ایک ویڈیو خاصی وائرل ہے جس میں دیکھا جاسکتا ہے کہ کچھ لوگ ایک لڑکے سے شادی ہال کے برتن دھلوا رہے ہیں جب کے ساتھ ساتھ اسے مسلسل یہ بھی کہہ رہے ہیں کہ شادی میں بغیر دعوت کے کیوں آئے۔

جبل پور کی اس ویڈیو میں لڑکا بتاتا ہے کہ وہ صرف کھانا کھانے شادی کی تقریب میں آیا تھا لیکن ویڈیو بنانے والا شخص اس کی ایک نہیں سنتا اور اسے برتن دھونے پر مجبور کرتا ہے۔

ویڈیو بنانے والے شخص کے پوچھنے پر وہ یہ بھی کہتا ہے کہ میں ایم بی اے کا طالبعلم ہوں جس پر مذکورہ شخص اسے مزید باتیں سناتا ہے۔

بھارت سے وائرل ہونے والی اس ویڈیو پر لوگ افسوس کا اظہار کر رہے ہیں، ٹوئٹر پر ایک شخص نے تبصرہ کرتے ہوئے کہا کہ 'لوگوں کے پاس پیسہ آگیا لیکن کلاس نہیں آئی'۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM