اسرائیلی صدرکا یو اے ای کا دورہ، اماراتی صدر شیخ محمد بن زاید سے ملاقات

اسرائیلی صدر آئزک ہرزوگ نے ابوظبی کے شاہی محل میں اماراتی صدر شیخ محمد بن زاید آل نہیان سے ملاقات کی ہے۔

عرب میڈیا کے مطابق ایک سال کے دوران اسرائیلی صدر کا متحدہ عرب امارات (یو اے ای) کا یہ دوسرا سرکاری دورہ ہے۔

یو اے ای نے اسرائیل کا بائیکاٹ ختم کردیا

متحدہ عرب امارات کے حکمران نے اسرائیل کے ساتھ تجارتی اور اقتصادی معاہدے کرنے کی منظوری دے دی

اسرائیلی میڈیا کے مطابق  شیخ محمد بن زاید سے ملاقات میں  آئزک ہرزوگ کا کہنا تھا کہ خطے میں 'امن کی مہم' میں متحدہ عرب امارات مرکزی حیثیت رکھتا ہے، ابراہام معاہدے کے دو سال بعد ہمیں تعلقات میں مزید اضافے کی ضرورت ہے اور معاہدے میں مزید ممالک کو شامل کیا جانا چاہیے۔

خیال رہے کہ 2 سال قبل اگست میں متحدہ عرب امارات اور اسرائیل کے درمیان باہمی تعلقات قائم کرنے کے لیے  امن معاہدہ طے پایا تھا۔

معاہدے کے بعد امارات نے اسرائیل کا بائیکاٹ ختم کرتے ہوئے  تجارتی اور اقتصادی معاہدے کرنے کی منظوری دی تھی۔

یو اے ای سے معاہدے کے اگلے ہی روز اسرائیلی وزیراعظم نے یوٹرن لے لیا

معاہدے کے ایک روز بعد ہی اپنے بیان میں مغربی کنارے کو اسرائیل میں ضم کرنے سے متعلق اہم بیان دے دیا

متحدہ عرب امارات اور اسرائیل کے درمیان باہمی تعلقات قائم کرنے کیلئے امن معاہدہ

آج ہمارے دو عظیم دوستوں اسرائیل اور متحدہ عرب امارات کے درمیان تاریخی امن معاہدہ ہوگیا ہے، ڈونلڈ ٹرمپ کی ٹوئٹ