انڈونیشین پارلیمنٹ نے ملک میں غیرازدواجی جنسی تعلق غیر قانونی قرار دے دیا

مسلم اکثریتی آبادی والے ملک انڈونیشیا کی پارلیمنٹ نے غیرازدواجی جنسی تعلقات کو غیرقانونی قرار دے دیا۔

غیرملکی خبرایجنسی کے مطابق انڈونیشیا کی پارلیمنٹ نے منگل کو ملک کے فوجداری قانون میں کئی تبدیلیاں کی ہیں۔

پارلیمنٹ نے قانون میں غیر ازدواجی جنسی تعلق کو غیر قانونی قرار دیا ہے اور اس کا ارتکاب کرنے والے کو ایک برس تک جیل کی سزا ہوسکتی ہے۔

انڈونیشیا میں شرعی قوانین بنانے والی کونسل کے رکن پر زنا کا الزام، کوڑے مارے گئے

یہ خدا کا قانون ہے جس نے جرم کیا ہے ، چاہے وہ کونسل کارکن ہی کیوں نہ ہو سزا ملے گی: ضلعی ڈپٹی میئر حسینی وہاب

رپورٹس کے مطابق اس قانون کا اطلاق انڈونیشیا کے شہریوں اور غیرملکیوں دونوں پر ہوگا جبکہ نئی قانون پر عمل آئندہ تین سال بعد ہوگا۔

اس کے علاوہ پارلیمنٹ نے نئے قوانین کے تحت صدر یا ریاستی اداروں کی توہین اور ریاستی نظریے کے خلاف خیالات کا اظہار بھی جرم قرار دیا ہے۔

دوسری جانب نئے قانون کی منظوری کے خلاف جکارتہ میں احتجاج بھی کیا گیا اور اس حوالے سے ناقدین نے اس اقدام کو ملک کی آزادی کیلئے دھچکا قرار دیا۔

خیال رہے کہ انڈونیشیا کے مسلم اکثریتی صوبے آچے میں پہلے ہی اسلامی قوانین رائج ہیں اور وہاں زنا سے متعلق سخت سزائیں نافذ ہیں۔