عمران خان یہ بھی تسلیم کرلیں کہ انہوں نے اسمبلی چھوڑ کر غلطی کی: احسن اقبال
07 دسمبر ، 2022
وفاقی وزیر احسن اقبال نے کہا ہے کہ عمران خان نے جہاں اتنی غلطیوں کا اعتراف کیا ہے وہاں یہ بھی تسلیم کرلیں کہ انہوں نے اسمبلی چھوڑ کر غلطی کی۔
جیو نیوز کے پروگرام ’’آج شاہزیب خانزادہ کے ساتھ‘‘ میں بات کرتے ہوئے انہوں نے کہا کہ عمران خان کو منفی سیاست ترک کرنی چاہیے، اسمبلیوں میں واپس آئیں اور انتخابی اصلاحات کے پیکیج پر کام کریں، تاکہ اگلے انتخابات میں تنازع پیدا نہ ہو۔
وفاقی وزیر نے مزید کہا کہ ہمیں کم از کم 10سال کا استحکام چاہیے، سیاست میں ٹی ٹوئنٹی کو ترک کرکے ٹیسٹ کرکٹ والا ٹمپرامنٹ اپنانا ہوگا۔
