لاہور: اسموگ کے باعث اسکولوں میں ہفتے میں 3 چھٹیوں کا اعلان

لاہور میں اسموگ کے باعث اسکولوں میں ہفتے میں تین چھٹیاں دینے کا نوٹیفکیشن جاری کردیا گیا۔

نوٹیفکیشن کے مطابق اسکولوں میں ہفتہ وارچھٹیاں بڑھانے کا فیصلہ ہائیکورٹ کے حکم پر کیا گیا ہے، چھٹیوں کا اطلاق ڈسٹرکٹ لاہور کے تمام سرکاری اور نجی اسکولوں پر ہوگا۔

لاہور آج بھی آلودہ ترین شہروں میں سرفہرست، تعلیمی اداروں میں ماسک پہننا لازمی قرار

شہری گلے میں خراش اور آنکھوں میں جلن کی شکایات، سانس لینے میں دشواری میں مبتلا ہو گئے ہیں جبکہ نزلہ، زکام، کھانسی اور سانس کے امراض بھی بڑھ گئے: طبی ماہرین

نوٹیفکیشن میں مزید بتایا گیا ہے کہ اتوار کی چھٹی کے ساتھ تمام اسکول جمعہ اور ہفتے کو بھی بند رہیں گے۔

اسکولوں میں ہفتہ وار چھٹیاں بڑھانےکا نوٹیفکیشن اسکول ایجوکیشن ڈپارٹمنٹ نے جاری کیا ہے۔