سسپنس سے بھرپور وہ فلم جس کا اختتام آپ عرصے تک بھول نہیں پائیں گے

اگر آپ فلمیں دیکھنا پسند کرتے ہیں مگر اس ہالی وڈ مووی کو نہیں دیکھا تو بہتر ہے کہ اب اسے دیکھ لیں۔

یہ ایسی فلم ہے جس کا اختتام ایسے زوردار جھٹکے سے ہوتا ہے جو دیکھنے والا طویل وقت تک بھول نہیں پاتا۔

شروع سے آخر تک دیکھنے پر مجبور کردینے والی بہترین فلم

اس فلم میں منفرد سائنس فکشن تصور پیش کیا گیا مگر اس کے ساتھ ساتھ کہانی میں تجسس اور عام ناظرین کی دلچسپی کا بھی پورا خیال رکھا گیا۔

ڈائریکٹر ایم نائٹ شیامالن کو اس فلم نے راتوں رات ایک بڑا نام بنا دیا تھا جبکہ اسے 6 آسکر ایوارڈز بشمول بہترین فلم، بہترین ڈائریکٹر اور بہترین اوریجنل اسکرین پلے کے لیے بھی نامزد کیا گیا۔

یہ فلم ہے دی سکستھ سنس جو 1999 میں ریلیز ہوئی مگر 2 دہائیوں کے بعد بھی اس کا جادو ماند نہیں پڑسکا۔

اس فلم میں بروس ولز نے مرکزی کردار ادا کیا تھا جبکہ Haley Joel Osment نے بچے کے کردار کو یادگار بنادیا تھا۔

پلاٹ

یہ فلم ایک ماہر نفسیات مالکم کرو کے گرد گھومتی ہے جو 9 سالہ مریض کول سیئر کا علاج کررہا ہوتا ہے۔

2022 کی وہ بہترین فلم جسے آپ کو ایک بار ضرور دیکھنا چاہیے

2022 میں لاتعداد فلمیں ریلیز ہوئیں مگر ایک فلم ایسی ہے جسے آپ کو ضرور دیکھنا چاہیے۔

علاج کے دوران مالکم کرو کو بچے کے بارے میں بہت کچھ جاننے کا موقع ملتا ہے اور انکشاف ہوتا ہے کہ وہ اردگرد گھومنے والے بھوتوں کو اس طرح دیکھ سکتا ہے جیسے وہ زندہ ہوں یا یوں کہہ لیں کہ انہیں علم ہی نہیں ہوتا کہ وہ مرچکے ہیں۔

یہ بچہ اپنی طاقت کو اچھے مقاصد کے لیے استعمال کرنا شروع کردیتا ہے اور ایک بچی کو اس کی مردہ بہن جیسی قسمت سے بچاتا ہے۔

اس طرح وہ بھوتوں کے ساتھ اپنے تعلق سے مطمئن ہوجاتا ہے مگر معاشرے سے کٹ جاتا ہے اور مالکم کرو کو لگتا ہے کہ یہ بچہ واہمے کا شکار ہے اور وہ اس کی مدد کرنے کی کوشش کرتا ہے۔

اس کوشش میں ڈاکٹر پر انکشاف ہوتا ہے کہ اس کی اپنی قسمت بھنور میں پھنس چکی ہے۔

زندگی بدل دینے والی ان 20 بہترین فلموں کو آپ نے دیکھا ہے؟

ایسی فلموں کی تعداد کم نہیں جو لوگوں میں امید اور حوصلہ جگانے کا کام کرتی ہیں۔

اس سے آگے کہانی بیان کرنے سے پورا تجسس ختم ہوجائے گا مگر یہ ہمارا وعدہ ہے کہ اگر آپ پہلی بار اس فلم کو دیکھ رہے ہیں تو اس کے اختتام کو بھول نہیں پائیں گے کیونکہ وہاں بہت بڑا سرپرائز آپ کا منتظر ہوگا۔

چند خاص باتیں

والٹ ڈزنی کے اس وقت کے صدر ڈیوڈ ووگل نے اعلیٰ عہدیداران سے مشاورت کے بغیر اس فلم کے رائٹس ساڑھے 22 لاکھ ڈالرز میں خرید کر ڈائریکٹر کو کام کرنے کی اجازت دی۔

جب اس کا علم عہدیداران کو ہوا تو انہوں نے ڈیوڈ ووگل کو ہی عہدے سے فارغ کردیا۔

بروس ولز نے یہ فلم ڈزنی اسٹوڈیوز سے 3 فلموں کے معاہدے کے تحت کی تھی کیونکہ وہ پہلے ڈزنی کے لیے ایک اور فلم بنارہے تھے مگر اس کی پروڈکشن روکنا پڑی اور اسٹوڈیو کو ایک کروڑ 75 لاکھ ڈالرز کا نقصان ہوا۔

وہ فلم جس کا جادو 3 دہائیوں سے سر چڑھ کر بول رہا ہے

اب بھی یہ فلم ٹی وی اسکرین پر چل رہی ہو تو بیشتر افراد کے لیے اس سے نظریں ہٹانا ناممکن ہوجاتا ہے۔

اس کی زرتلافی کے لیے بروس ولز نے اسٹوڈیو سے معاہدہ کیا تھا۔

ڈائریکٹر نے خود بھی ایک کردار اکیا تھا مگر ان کی اداکاری اتنی بری تھی کہ انہوں نے سین کا بیشتر حصہ ہی کاٹ دیا۔

فلم کے ایک سین میں بچے کو رونا تھا مگر ایسا ممکن نہیں ہورہا تھا تو اس کے حقیقی والد نے بروس ولز کو کہا کہ وہ زور سے چیخیں اور یہ طریقہ کار کام کرگیا۔

فلم میں بچے کی ماں کا کردار ادا کرنے والی اداکارہ Toni Collette کے ساتھ شوٹنگ کے دوران عجیب واقعات پیش آئے، وہ روزانہ رات کو اٹھ جاتی تھیں اور ہمیشہ 1:11، 3:33 یا ایسے ہی نمبر دہراتی تھیں۔

وہ بہترین فلم جو ایک لمحے کیلئے بھی اسکرین سے نظریں ہٹانے نہیں دے گی

یہ فلم 1990 کی دہائی میں تو منفرد تھی مگر اب بھی موجودہ عہد سے متعلق محسوس ہوتی ہے کیونکہ اب سوشل میڈیا نے نجی اور عوامی زندگی کو ایک کردیا ہے۔

بروس ولز لیفٹ ہینڈڈ ہیں یعنی الٹے ہاتھ کو زیادہ استعمال کرتے ہیں مگر اس فلم کے لیے انہوں نے سیدھے ہاتھ سے لکھنا اور ڈرائنگ کرنا سیکھا۔

یہ فلم اتنی زیادہ کامیاب ہوئی کہ اس نے دنیا بھر میں 67 کروڑ ڈالرز سے زیادہ کا بزنس کیا اور سب سے زیادہ کمانے والی ہارر فلم قرار پائی، اس کا یہ ریکارڈ 2017 میں فلم 'اٹ' نے توڑا۔