کیا گھڑی چور نے کے پی اور پنجاب کی اسمبلیاں تحلیل کردیں؟ بلاول کا طنز

وزیر خارجہ و پیپلزپارٹی کے چیئرمین بلاول بھٹو زرداری نے سابق وزیراعظم عمران خان کے ویڈیو لنک کے ذریعے خطاب پر ردعمل کا اظہار کیا ہے۔

اپنی ٹوئٹ میں بلاول کا کہنا تھاکہ سنا ہے گھڑی چور نے ایک پریس کانفرنس کی ہے، کیا گھڑی چور نے خیبرپختونخوا اور پنجاب کی اسمبلیاں تحلیل کردی ہیں؟ یقیناً نہیں۔

انہوں نے کہا کہ گھڑی چور کی اداروں کو اپنی ٹائیگر فورس میں بدلنے کی کوششیں پہلے بھی ناکام ہوئیں اور آئندہ بھی ہوں گی۔

خیال رہے کہ سابق وزیراعظم عمران خان نے اپنے ویڈیو لنک کے ذریعے خطاب میں حکومت کی معاشی پالیسیوں کو تنقید کا نشانہ بنایا ہے۔