دنیا کسی نئی عالمی وبا سے نمٹنے کے لیے تیار نہیں، بل گیٹس

مائیکرو سافٹ کے شریک بانی بل گیٹس نے کہا ہے کہ دنیا کسی نئی عالمی وبا سے نمٹنے کے لیے تیار نہیں۔

آسٹریلیا کے شہر سڈنی میں Lowy انسٹیٹیوٹ کی تقریب سے خطاب کرتے ہوئے بل گیٹس نے کہا کہ مستقبل میں عالمی وبا کا مقابلہ کرنے کے لیے مضبوطی سیاسی تعاون کی ضرورت ہوگی یہاں تک کہ دشمنوں کو بھی ایک دوسرے کے ساتھ کام کرنا ہوگا۔

بل گیٹس کی مستقبل کے حوالے سے تشویشناک پیشگوئی

تمام تر حالات کے باوجود مجھے اب بھی یقین ہے کہ ہم بھیانک نتائج سے بچ سکتے ہیں، بل گیٹس

انہوں نے کہا کہ وہ یہ نہیں کہہ سکتے کہ کووڈ 19 کے حوالے سے کسی ملک کا ردعمل بالکل درست تھا۔

انہوں نے مزید کہا کہ مستقبل میں عالمی وباؤں سے نمٹنے کے لیے مشترکہ سیاسی عزم پر مبنی ٹھوس عالمی تعلقات کی ضرورت ہوگی، مگر ابھی اس حوالے سے عالمی تیاری نظر نہیں آتی۔

بل گیٹس نے کہا کہ 'جب ہمیں کسی وبائی مرض سے خطرہ لاحق ہو تو ہمیں اس انداز سے ردعمل ظاہر کرنا ہوگا کہ وہ بیماری عالمی سطح پر پھیل نہ سکے'۔

ان کا کہنا تھا کہ 'ہمیں ہر 5 سال بعد ممالک اور خطے کی سطح پر وباؤں سے نمٹنے کی تیاریوں کی آزمائش کرنے کی ضرورت ہے اور ایک ایسا عالمی گروپ بھی قائم ہونا چاہیے جو ہر ملک کی کوششوں پر نظر رکھے'۔

دنیا کے امیرترین افراد میں شامل بل گیٹس کس اسمارٹ فون کو استعمال کرتے ہیں؟

بل گیٹس نے حال ہی میں بتایا کہ وہ کس آپریٹنگ سسٹم سے لیس اسمارٹ فون کو استعمال کرنا پسند کرتے ہیں۔

انہوں نے توقع طاہر کی کہ ٹیکنالوجی میں تنوع سے متعدد طبی اور دیگر مسائل سے نمٹنا ممکن ہوجائے گا۔

انہوں نے کہا کہ ہم موٹاپے کا علاج کرسکیں گے، ہم کینسر کا علاج کرسکیں گے، ہم پولیو کا خاتمہ کرسکیں گے۔

بل گیٹس کے مطابق 'میرا ماننا ہے کہ 20، 40 یا 60 سال پہلے کے مقابلے میں اب پیدا ہونا زیادہ بہتر ثابت ہوگا'۔