ڈالر کی قدر میں تاریخی اضافے کے ساتھ ہی اسٹاک مارکیٹ میں بھی زبردست تیزی

انٹربینک اور اوپن مارکیٹ میں امریکی ڈالر کی قدر میں تاریخی اضافے کا اثر پاکستان اسٹاک ایکسچینج کے کاروبار میں زبردست تیزی کی صورت میں نظر آیا۔

پاکستان اسٹاک ایکسچینج  میں آج کاروبار کا مثبت دن رہا، 100 انڈیکس 1061 پوائنٹس اضافے سے 40846 پر پہنچ گیا۔

ایک ہی روز میں ڈالر تمام ریکارڈ توڑتا ہوا 255 روپے سے بھی تجاوز کر گیا

انٹر بینک مارکیٹ میں امریکی ڈالر 24 روپے سے زائد اضافے کے بعد 255 روپے 43 پیسے پر بند ہوا۔

کاروباری دن میں 100 انڈیکس 1207 پوائنٹس کے بینڈ میں رہا، بازار میں 36 کروڑ  41 لاکھ شیئرز کے سودے ہوئے، شیئرز بازار کے کاروبار کی مالیت 14 ارب 48 کروڑ روپے رہی۔

مارکیٹ کیپٹلائزیشن 116 ارب روپے بڑھ کر 6414 ارب روپے رہی۔

خیال رہے کہ ڈالر کے ریٹ پر کیپ ہٹانے کے بعد آج انٹربینک میں ڈالر 24 روپے سے زائد اور اوپن مارکیٹ میں 19 روپے مہنگا ہوا ہے۔ ڈالر کو آزاد چھوڑنے کے فیصلے نے سرمایہ کاروں پر بھی مثبت اثر ڈالا ہے۔