28 جنوری ، 2023
پاکستانی ڈرامہ انڈسٹری کی معروف اداکارہ اشنا شاہ کی حالیہ ٹوئٹ نے سوشل میڈیا پر ایک نئی بحث چھیڑ دی ہے۔
اداکارہ اشنا شاہ نے آج ایک ٹوئٹ کی جس میں انہوں نے لکھا ’ میں اپنے ملک سے محبت کرتی ہوں، اپنی شناخت سے پیار کرتی ہوں، اپنے ہم وطن پاکستانیوں سے محبت کرتی ہوں۔‘
اشنا نے مزید لکھا ’لیکن جب یہاں بیک وقت گیس اور بجلی نہ ہو، پیٹرول کی قلت ہو اور یو پی ایس زیادہ استعمال ہونے کی وجہ سے بیٹھ رہا ہو، گھر میں توانائی کا کوئی ذریعہ نہ ہو جبکہ مجھے کافی پینے کی ضرورت ہو۔۔ ایسے میں۔۔ ترانہ گانا تھوڑا مشکل ہے۔‘
اشنا کی اس ٹوئٹ نے سوشل میڈیا پر نئی بحث چھیڑ دی ہے۔ سوشل میڈیا صارفین نے اشنا کی ٹوئٹ پر ملے جلے ردعمل کا اظہار کیا ہے۔ کچھ صارفین کا کہنا ہے کہ مشکل وقت ہی میں ملک کو ہماری زیادہ ضرورت ہوتی ہے جبکہ کچھ نے ان کی بات سے اتفاق کیا۔
کچھ لوگوں نے انہیں اپنے مسائل بتاکر کہا کہ آپ کا مسئلہ تو صرف کافی پینا ہے۔ آئیے صارفین کے چند ردعمل پر نظر ڈالتے ہیں۔