جنوری میں مہنگائی کی شرح 26 فیصد تک رہنے کی توقع

وزارت خزانہ نے جنوری میں مہنگائی کی شرح 26 فیصد تک رہنے کی توقع کی ہے۔

وزارت خزانہ کے مطابق زرمبادلہ کے ذخائر میں کمی کا سامنا ہے، زرمبادلہ ذخائر کو بچانے کے لیے درآمدات کو روکا جا رہا ہے،چھ ماہ میں برآمدات میں 6.8 اور درآمدات میں 18.2 فیصد کمی ہوئی۔

آئی ایم ایف وفد کے دورے سے پہلے ٹیکسوں کی بھرمار کرنے کی تیاری

31 جنوری سے 9 فروری تک جاری رہنے والے آئی ایم ایف وفد سے مذاکرات میں طے ہوگا کہ کتنے نئے ٹیکس لگائے جائیں اور کتنے نان ٹیکس اقدامات کیے جائیں۔

وزارت خزانہ کا کہنا ہے کہ جولائی سے دسمبر تک ترسیلات زر میں 11.1 فیصد کمی ہوئی،27 جنوری کو زرمبادلہ کے ذخائر 5.6 ارب ڈالرز تھے،رواں سال معاشی شرح نمو سست رہنے کی توقع ہے۔

وزارت خزانہ کے مطابق جولائی سے دسمبر تک مہنگائی کی شرح 25 فیصد ریکارڈ کی گئی۔