سعودی حکومت پر تنقیدکرنےکے الزام پر 19سال قیدکی سزا پانیوالا امریکی شہری رہا

سعودی حکومت پر تنقیدی پوسٹ کرنے کے الزام پر 19 سال قید کی سزا پانیوالا دہری شہریت کا حامل  امریکی شہری  رہا کردیا گیا۔

امریکی شہری کے بیٹے کے مطابق 72 سالہ سعد ابراہیم پر سفری پابندی برقرار ہے۔

دہری شہریت والےسعد ابراہیم کو نومبر 2021 میں دہشت گردی کی مالی معاونت اور مملکت کو غیر مستحکم کرنے کے لیے کام کرنے سمیت متعدد الزامات کے تحت گرفتار کیا گیا تھا۔

غیر ملکی میڈیا رپورٹس کے مطابق سعد ابراہیم کو فوجداری عدالت نے 2022 میں 16 سال قید کی سزا سنائی تھی،اپیل کورٹ نے گزشتہ ماہ سزا کو بڑھا کر 19 سال کر دیا تھا۔

سعودی حکومت،وائٹ ہاؤس یا امریکی محکمہ خارجہ کی جانب سے فوری طور پر کوئی ردعمل سامنے نہیں آیا۔