25 اپریل ، 2023
راولپنڈی میں چوروں نے عید پر آبائی علاقوں کو جانے والے لوگوں کے گھروں کا صفایا کردیا۔
راولپنڈی میں تھانہ ائیرپورٹ کے علاقےگلزار قائد کے ایک گھر میں ڈکیتی ہوئی جہاں سے چور 15 تولےسونا اور قیمتی گھڑیاں لے اڑے۔
تھانہ صدربیرونی کے علاقے اڈیالہ روڈ پر بھی گھر سے سونا اور نقدی چوری کرلیا گیا جب کہ منگٹال چوک میں چاند رات کو دکان میں ڈکیتی ہوئی جس میں مسلح ڈاکو 60 ہزار روپے نقدی لوٹ کر فرار ہوگئے۔
اس کے علاوہ تھانہ نصیرآباد کے علاقے نیوچاکرہ روڈ پرعید کے دن چوری ہوئی جس میں چور عید کے دن گھرکے تالے توڑکر 10 تولے سونے کے زیورات اور نقدی لےگئے۔