سربیا میں فائرنگ کے ایک اور واقعے میں آٹھ افراد ہلاک تیرہ زخمی ہوگئے

سربین وزارت داخلہ کے ترجمان کا کہنا ہے کہ سربیا کے گاؤں ڈیوبونا میں فائرنگ کے ایک واقعے میں 8 افراد ہلاک جبکہ 13 زخمی ہو گئے ہیں۔

ترجمان کے مطابق اکیس سالہ مسلح حملہ آور نے مقامی وقت کے مطابق رات 11 بجے کے قریب ایک گروپ پر فائرنگ کر دی تھی، واقعے کے بعد ملزم موقع سے فرار ہو گیا۔

سربیا کے اسکول میں 14 سالہ نوجوان کی فائرنگ سے 9 افراد ہلاک، 7 زخمی

فائرنگ کرنے والا لڑکا بہت ہی خاموش اور خوش اخلاق تھا اور حال ہی میں اس نے اسکول جوائن کیا تھا: عینی شاہد طالبہ

غیر ملکی میڈیا کے مطابق حکام نے واقعے کو علاقائی دہشتگردی (domestic terrorism) قرار دیتے ہوئے بتایا کہ ملزم کی گرفتاری کیلئے اسپیشل فورسز کی ٹیمیں تشکیل دے دی گئی ہیں، جلد گرفتار کر لیا جائے گا۔

یاد رہے کہ اس سے واقعے سے ایک روز قبل بھی سربیا کے دارالحکومت بلغراد کے اسکول میں 14 سالہ طالبعلم کی فائرنگ کے نتیجے میں آٹھ طالبعلم اور ایک سکیورٹی گارڈ ہلاک جبکہ سات افراد زخمی ہوگئے۔