سعودی عرب کو ایران کا دشمن قرار دینا ناقابل قبول ہے: ایرانی صدر

ایرانی صدر  ابراہیم رئیسی نے کہا ہےکہ سعودی عرب کو  ایران کا دشمن یا ایران کو سعودی عرب کا دشمن قرار دینا ناقابل قبول ہے۔

 شامی نیوز ایجنسی کو دیےگئے  انٹرویو میں ایرانی صدر ابراہیم رئیسی کا کہنا تھا کہ ایران اور سعودی عرب دو بڑے ملک ہیں جن کے تعلقات کی بحالی سے خطے میں بڑی اہم تبدیلیاں رونما ہوں گی۔

25 افراد کے قتل کا الزام، ایرانی نژاد سوئیڈش شہری کو پھانسی دیدی گئی

حبیب فراج اللہ نامی شہری پر 2018 میں ایک فوجی پریڈ پر حملے کا الزام تھا جس میں 25 افراد ہلاک ہوئے تھے: میڈیا رپورٹس

ایرانی صدر ابراہیم رئیسی نےکہا کہ شام کے صدر بشار الاسد نے امریکی اتحاد اور اسرائیل کے خلاف ڈٹ کر مقابلہ کیا ہے۔

ان کا کہنا تھا کہ امریکا اور اس کے حواریوں نے شام کو تقسیم کرنے کی گھناؤنی سازش کی تھی، امریکیوں نے داعش اور دیگر دہشت گرد گروپوں کو تشکیل دینے کا اعتراف کیا ہے۔