08 جون ، 2023
فرانس کے شہر اینیسی کے پارک میں شامی پناہ گزین شخص نے چاقو سے حملہ کرکے 4 بچوں سمیت 6 افراد کو زخمی کردیا۔
پولیس نے حملہ آور کو گرفتار کر لیا ہے۔ فرانسیسی حکام کے مطابق حملے میں زخمی بچوں کی عمریں 22 ماہ سے تین سال تک ہیں، زخمی ہونے والے بچوں میں سے ایک کی شہریت برطانوی ہے جبکہ ایک ڈچ ہے۔
حملے میں چاروں بچے شدید زخمی ہوئے ہیں، حملہ آور پولیس کی فائرنگ سے زخمی ہونے کے بعد گرفتار کر لیا گیا۔
اطلاعات کے مطابق حملہ آور سوئیڈن کے پناہ گزین کیمپ کا 31 سالہ شامی شہری ہے، حملے میں دہشت گردی کے شواہد نہیں ملے اور حملے کا مقصد ابھی واضح نہیں ہوا جبکہ اس حوالے سے مزید تحقیقات جاری ہیں۔