کراچی میں کلفٹن بن قاسم پارک سے خاتون اور مرد کی لاشیں برآمد

کراچی کے علاقے کلفٹن بن قاسم پارک سے خاتون اور مرد کی لاشیں برآمد ہوئی ہیں۔

اس حوالے سے ایس ایس پی ساؤتھ ساجد سدوزئی کا کہنا ہے کہ دونوں لاشیں تقریباً 3 روز پرانی ہیں۔

ایس ایس پی ساؤتھ نے بتایا کہ پارک کے اندر ایک تالاب موجود ہے جس کے کنارے سے لاشیں ملی ہیں۔

ان کا یہ بھی کہنا ہے کہ دونوں لاشوں کی شناخت تاحال نہیں ہوسکی ہے، البتہ لاشوں کو پوسٹ مارٹم کے لیے اسپتال منتقل کردیا گیا ہے۔