20 جولائی ، 2024 
لائیو نشریات کے دوران زیادہ کھانا کھانے سے چینی اسٹریمر ہلاک
20 جولائی ، 2024
لائیو نشریات کے دوران زیادہ کھانا کھانے سے چینی اسٹریمر اپنی جان سے ہاتھ دھو بیٹھی۔
غیر ملکی میڈیا کے مطابق پین زیاؤٹنگ نامی 24 سالہ خاتون کھانے کے حوالے سے مختلف ویڈیوز بناتی تھی اور اپنے فالوورز کو محظوظ کرنے اور زیادہ ویوز حاصل کرنے کیلئے مختلف کھانوں کے چیلنج کو آزماتی تھی۔
ایسا ہی کچھ لائیو نشریات کے دوران بھی ہوا اور ضرورت سے زیادہ کھانے پر خاتون موت کے منہ میں چلی گئی۔
میڈیا رپورٹس کے مطابق خاتون 10 گھنٹے تک بغیر وقفے کے کھانا کھاتی تھی اور ایک بار اس نے 22 پاؤنڈ کھانا کھایا تھا۔
میڈیا رپورٹس میں بتایا جا رہا ہے کہ زیادہ کھانا کھانے کے سبب وہ پیٹ سے خون بہنے کی وجہ سے اسپتال میں داخل بھی ہو چکی تھی لیکن ڈسچارج ہونے کے اگلے ہی روز خاتون نے دوبارہ سے اپنی ویڈیوز بنانا شروع کر دی تھیں۔
رپورٹس میں بتایا گیا کہ خاتون کی موت کے بعد ان کا پوسٹ مارٹم کیا گیا جس کی رپورٹ کے مطابق خاتون کے پیٹ میں شدید خرابی اور غیر ہضم شدہ کھانے سے بھرے پیٹ کا انکشاف ہوا، ڈاکٹرز نے ان کی موت کی وجہ زیادہ کھانے کو قرار دیا۔
مزید خبریں :
ایک اور پاکستانی برطانوی ہاؤس آف لارڈز کا رکن منتخب
10 گھنٹے پہلے
