22 جولائی ، 2024 
جیو نیوز نے بائیڈن سے متعلق ورلڈ ایکسکلوسیو خبر میں سی این این اور نیویارک ٹائمز کو بھی پیچھے چھوڑ دیا
22 جولائی ، 2024
جیو نیوز انٹرنیشنل کے کنٹرولر نسیم حیدر نے امریکا کے صدر جوبائیڈن کے دستبردار ہونے کی خبر 19 جولائی ہی کو دیدی تھی۔
جیو نیوز نے بائیڈن سے متعلق ورلڈ ایکسکلوسیو خبر میں سی این این اور نیویارک ٹائمز کو بھی پیچھے چھوڑ دیا۔
نسیم حیدر نے یہ خبر 19 جولائی رات 12 بجے کے بلیٹن میں دیدی تھی۔
واضح رہے کہ امریکی صدر جو بائیڈن صدارتی دوڑ سے دستبردار ہوگئے ہیں اور انہوں نے ڈیموکریٹ صدارتی امیدوار کے لیے کملا ہیرس کی حمایت کا اعلان بھی کر دیا ہے۔
امریکا کی نائب صدر کملا ہیرس نے صدر جو بائیڈن کی جانب سے صدارتی امیدوار کے طور پر حمایت کو اپنے لیے اعزاز قرار دیا ہے۔
جو بائیڈن کا کہنا تھا کہ وہ اپنی باقی مدت کے دوران بطور صدر اپنے فرائض کی تکمیل پر توجہ دیں گے۔
ڈونلڈ ٹرمپ کے ساتھ پہلے صدارتی مباحثے میں بری کارکردگی پر بائیڈن کو تنقید کا نشانہ بنایا گیا تھا اور متعدد ڈیموکریٹکس رہنماؤں کے علاوہ ڈیموکریٹکس ڈونرز کی جانب سے بھی جو بائیڈن پر صدارتی دوڑ سے باہر ہونے کے لیے شدید دباؤ تھا۔
