17 فروری ، 2013 
فلسطینیوں اور کشمیریوں کو حق خود ارادیت سے محروم رکھا جارہا ہے، زرداری
17 فروری ، 2013
اسلام آباد … صدر آصف علی زرداری نے کہا ہے کہ فلسطینیوں اور کشمیریوں کو حق خود ارادیت سے محروم رکھا جارہا ہے، وہ دن دور نہیں جب برصغیر کے مسلمانوں کی طرح فلسطینی بھی آزادی حاصل کرلیں گے۔ اسلام آباد میں فلسطینی صدر کے ظہرانے سے خطاب میں صدر زرداری کا کہنا تھا کہ وہ دن دور نہیں جب فلسطین اقوام متحدہ کی مکمل رکنیت حا صل کرلے گا، پاکستانی عوام فلسطینی بھائیوں کے ساتھ ہیں، عالمی برادری مسئلہ فلسطین کے حل کیلئے اقدامات کرے۔ صدر کا کہنا تھا کہ اسرائیل کی طرف سے بین الاقوامی قوانین کی خلاف ورزی لمحہ فکریہ ہے، فلسطینی ریاست جس کا دارلحکومت بیت المقدس ہو حمایت کرتے ہیں۔ اس موقع پر صدر محمود عباس کا کہنا تھا کہ اسرائیلی ہتھکنڈوں کے باوجود فلسطین کی جدو جہد آزادی جاری رہے گی، اسرائیل کو یہودی بستیوں کی تعمیر یا امن مذاکرات میں سے ایک کا انتخاب کرنا ہوگا۔ انہوں نے فلسطین کیلئے اقوام متحدہ میں مبصر ملک کی رکنیت کے حصول میں پاکستان کے کردار کو بھی سراہا۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
09 جون ، 2025
عید کے تیسرے روز بھی کراچی کا موسم گرم رہنے کا امکان
09 جون ، 2025
راول ڈیم میں نہاتے ہوئے 3 نوجوان ڈوب کر جاں بحق
09 جون ، 2025
