یہ پھل صحت کے لیے بہت زیادہ فائدہ مند کیوں ہے؟

یہ جاپان کا قومی پھل ہے اور یہی وجہ ہے کہ پاکستان بلکہ دنیا بھر میں اسے جاپانی پھل کے نام سے زیادہ جانا جاتا ہے جبکہ اردو میں اسے املوک بھی کہا جاتا ہے۔

مگر یہ نام بہت کم افراد کو معلوم ہوتا ہے اور جاپانی پھل کے نام سے ہی زیادہ مشہور ہے جو سال کے آخری مہینوں میں دستیاب ہوتا ہے۔

ویسے اسے انگلش میں پرسیمون بھی کہا جاتا ہے۔

یہ پھل پوٹاشیم، فاسفورس اور وٹامن سی کے حصول کا اچھا ذریعہ ہے۔

نزلہ زکام سے بچانے میں مددگار آسان ٹوٹکے

یہ گھریلو ٹوٹکے نزلہ زکام سے مکمل نجات تو نہیں دلاتے مگر ان سے مختلف علامات کی شدت میں کمی لانے میں مدد ملتی ہے۔

اقسام

اس کی 2 اقسام ہیں، ایک ایشیائی اور دوسری امریکی۔

امریکا میں یہ پھل کاشت نہیں ہوتا بلکہ خودرو ہوتا ہے مگر جاپان میں اس کی قسم Diospyros kaki کاشت ہوتی ہے جو آپ بھی بازار سے خریدتے ہیں۔

یعنی جاپان میں اسے Diospyros kaki کہا جاتا ہے

یہ پھل صحت کے لیے بہت فائدہ مند ہوتا ہے جس کے چند فوائد درج ذیل ہیں۔

کمر درد کا شکار بنانے والی 7 عام وجوہات

جب کمر درد معمول بن جائے تو یہ اس بات کا عندیہ ہوتا ہے کہ جسم کے اندر کچھ سنگین چل رہا ہے۔

غذائی اجزا سے بھرپور

اس پھل میں متعدد غذائی اجزا اور منرلز موجود ہوتے ہیں۔

اس کی زیادہ تر اقسام میں بیٹا کیروٹین اور پوٹاشیم موجود ہوتا ہے جبکہ یہ فائبر، فاسفورس، کیلشیئم، وٹامن سی اور وٹامن اے کے حصول کا بھی اچھا ذریعہ ہے۔

بینائی کے لیے مفید

جاپانی پھل میں وٹامن اے کی مقدار کافی زیادہ ہوتی ہے اور یہ وٹامن آنکھوں کی صحت کے لیے اہم ہوتا ہے، کیونکہ یہ بینائی کے افعال کی معاونت کرتا ہے۔

قبض سے فوری ریلیف دلانے والے 6 بہترین ٹوٹکے

کلیو لینڈ کلینک کے ماہرین کی جانب سے اس مسئلے سے فوری نجات دلانے کے لیے چند بہترین ٹوٹکے بتائے گئے ہیں۔

وٹامن اے تاریکی میں دیکھنے میں بھی مدد فراہم کرتا ہے جبکہ مدافعتی نظام کو بھی مضبوط کرتا ہے۔

اینٹی آکسائیڈنٹس کا حصول

اینٹی آکسائیڈنٹس کی مقدار اس پھل میں بہت زیادہ ہوتی ہے اور یہی وجہ ہے کہ غذا میں یہ بہترین اضافہ ثابت ہوسکتا ہے۔

اینٹی آکسائیڈنٹس جسم میں زہریلے مواد سے پیدا ہونے والے تکسیدی تناؤ کا مقابلہ کرتے ہیں۔

باداموں کو کتنی دیر تک بھگو کر رکھ کر کھانے سے صحت کو فائدہ ہوتا ہے؟

اہم سوال یہ ہے کہ اگر آپ بادام بھگو کر کھانا پسند کرتے ہیں تو انہیں کتنی دیر تک پانی میں رکھنا چاہیے؟

تکسیدی تناؤ متعدد امراض جیسے کینسر، دل کی شریانوں کے امراض، ذیابیطس اور دماغی تنزلی کا خطرہ بڑھاتا ہے۔

ویسے تو جسم بھی کچھ اینٹی آکسائیڈنٹس تیار کرتا ہے مگر بیشتر کا حصول غذا سے ہی ممکن ہوتا ہے۔

ورم کش خصوصیات

یہ پھل ورم کی روک تھام میں مدد فراہم کرتا ہے۔

وہ 8 عادات یا کام جن کو نظرانداز کرنا گردوں کے امراض کا شکار بنا دیتا ہے

آپ ایسا بہت کچھ کر سکتے ہیں جن سے گردوں کو طویل عرصے تک صحت مند رکھا جاسکتا ہے۔

چوہوں پر ہونے والی ایک تحقیق میں دریافت کیا کہ اس پھل کی اینٹی آکسائیڈنٹ خصوصیات کے باعث جسمانی ورم میں کمی آسکتی ہے جبکہ ٹشوز کی صحت بھی بہتر ہوتی ہے۔

جاپانی پھل میں موجود وٹامن سی اس حوالے سے کردار ادا کرتا ہے۔

یہ وٹامن متعدد امراض جیسے امراض قلب اور ذیابیطس کی شدت کو کم کرتا ہے۔

دل کو صحت مند بنائے

اس پھل میں موجود غذائی اجزا اسے دل کی صحت بہتر بنانے کے لیے بہترین انتخاب بناتے ہیں۔

آنکھوں کے گرد سیاہ حلقوں سے پریشان؟ تو ان سے جلد نجات دلانے میں مددگار طریقے جانیں

ہوسکتا ہے کہ یہ حلقے آپ کو پریشان کریں مگر حقیقت تو یہ ہے کہ ان کی موجودگی انسانی شخصیت کے لیے معمول کا حصہ ہے۔

اس میں موجود فلیونوئڈز اینٹی آکسائیڈنٹس سے امراض قلب سے تحفظ فراہم کرنے میں کردار ادا کرتے ہیں۔

فلیونوئڈز سے بھرپور غذاؤں سے بلڈ پریشر اور کولیسٹرول کی سطح کم ہوتی ہے اور یہ دونوں ہی امراض قلب کا خطرہ بڑھانے والے عناصر ہیں۔

اسی طرح جاپانی پھل میں فائبر کی مقدار بھی کافی زیادہ ہوتی ہے جو کولیسٹرول کو کنٹرول کرنے میں مدد فراہم کرتا ہے۔

نظام ہاضمہ کے لیے فائدہ مند

جیسا اوپر بتایا گیا ہے کہ اس پھل میں فائبر کی مقدار کافی زیادہ ہوتی ہے اور یہ غذائی جز نظام ہاضمہ کے لیے بھی بہت اہم ہوتا ہے۔

پنڈلیوں میں تکلیف سے پریشان رہتے ہیں؟ تو اس سے جلد نجات دلانے میں مددگار طریقے جانیں

پنڈلیوں میں تکلیف کا سامنا بھی دنیا بھر میں کروڑوں افراد کو ہوتا ہے۔

فائبر کے استعمال سے قبض کا خطرہ کم ہوتا ہے جبکہ جبکہ آنتوں کے افعال بہتر ہوتے ہیں۔

غذائی اجزا کی مقدار

جاپانی پھل کی 100 گرام میں 70 کیلوریز، 18.59 گرام کاربوہائیڈریٹس، 0.58 گرام پروٹین، 0.19 گرام چکنائی، 3.6 گرام فائبر، 81 مائیکرو گرام وٹامن اے، 7.5 ملی گرام وٹامن سی، 253 مائیکرو گرام بیٹا کیروٹین، 161 ملی گرام پوٹاشیم، 17 ملی گرام فاسفورس، 8 ملی گرام کیلشیئم، ایک ملی گرام سوڈیم اور 150 مائیکرو گرام آئرن موجود ہوتے ہیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔